Жан ана

Жан ана

Шөлдесем, бұлақ болған жан ана,
Шаршасам, қуат болған жан ана,
Таянып ақ бесікті жанымда,
Түндерде шырақ болған жан ана.
Өмірдің алтын арай таңы ана,
Ақ сүтің баға жетпес бал ана,
Сан жылдар сан дауылға мойымай
Біздерге тіреу болған жан ана.

Қ-сы
Самғаймын саған қарай құстай, ана
Мен қалай жүре аламын ұшпай, ана
Жанымның сағынышы басылмайды
Өзіңді құшағыма қыспай, ана.
Анашым, сенсіз бақыт табамызба
Өзіңсің ақылшым да данамыз да,
Бөленіп немерелер қызығына
Анашым аман жүрші арамызда (2)

Өмірде кейде шаттық, кейде мұң.
Ақ теңіз ағайынға пейілің
Мөлдіреп ұл қызыңа қарайсың
Таусылмай ақ жүзіңнен мейірім
Шын сұрап сәбилік жүрекпенен
Әкемдей асқар тау тірекпенен
Көзімнің нұры болып жүрсе екен деп,
Амандық сендерге тілеп келем